“Kristal Pelas”ın hücumçusu zədədən sonra yaşıl meydanlara qayıdır

"Kristal Pelas"ın hücumçusu Jan-Filip Mateta diz zədəsindən sonra sağalmağa yaxındır.

90deqiqe.Az-ın məlumatına görə, bu barədə "Kristal Palas"ın baş məşqçisi Oliver Qlasner "Tottenhem"lə oyundan əvvəl keçirilən mətbuat konfransında bildirib.

“Planlaşdırırıq ki, gələn bazar ertəsi Mateta qismən komanda ilə məşqlərə başlasın. O, cümə axşamı “Larnaka” ilə oyuna start heyətində çıxmayacaq, lakin bəlkə 15-20 dəqiqə oynaya bilər”.

Qlasner əlavə edib ki, futbolçunun zədəsi cərrahi əməliyyatsız müalicə olunur:

“Hər kəs problemi əməliyyatsız həll etməyə çalışır. Ümumi qərar budur ki, ən yaxşı variant konservativ müalicə üsuludur”.

28 yaşlı futbolçu gələn həftə məşqlərə qayıdacaq və Konfrans Liqasının 1/8 final mərhələsinin ilk oyununda oynamağa hazır ola bilər.

Qeyd edək ki, Mateta daha əvvəl səhhətindəki problemlər səbəbindən "Milan" klubuna transfer ola bilməmişdi.