FA Pedro Netoya qarşı rəsmi ittiham irəli sürüb

İngiltərə Futbol Assosiasiyası (FA) "Çelsi"nin hücumçusu Pedro Netoya 28-ci tur çərçivəsində "Arsenal"la keçirilən matçda (2:1) yersiz davranışa görə rəsmi ittiham irəli sürüb.

90deqiqe.Az xəbər verir ki, FA hesab edir ki, futbolçu vaxtında meydanı tərk etməyib və hakim heyətinə qarşı təhqiredici ifadələr işlədib. Bu barədə FA öz rəsmi "X "sosial şəbəkəsi hesabında məlumat yayıb.

Netoya vəziyyətə münasibət bildirmək üçün 9 mart, bazar ertəsinə qədər vaxt verilib.

Qeyd edək ki, "Çelsi" hücumçusu matçın 67-ci dəqiqəsində ilk sarı vərəqəsini alıb və üç dəqiqə sonra meydandan qovulub. Həmin görüşdə futbolçu hər hansı məhsuldar hərəkət və ya qol ötürməsi həyata keçirməyib.