“Çelsi”nin baş məşqçisi qapıçı seçiminin səbəbini açıqladı

"Çelsi"nin baş məşqçisi Liam Rosenyor Çempionlar Liqasının 1/8 final mərhələsində PSJ ilə oyunda qapıçı Filip Yorgenseni niyə meydana buraxdığını izah edib.  

90deqiqe.Az xəbər verir ki, "ESPN" çalışdırıcının dediklərini belə çatdırıb.

"Sançes, yoxsa Yorgensen? Onların fərqli keyfiyyətləri var. Rob ötürmələri idarə etməkdə fantastikdir və əla qapıçıdır. Filipin də inanılmaz keyfiyyətləri var. "Aston Villa"nı 4-1 hesabı ilə məğlub etməyimizin səbəblərindən biri topa sahib olmaqda çox sakit olmağımız idi. Amma oyunçular bəzən səhv edirlər. Filip səhv edən ilk şəxs deyil; bu, futbolun bir hissəsidir; o, soyunma otağında səhvini etiraf etdi. Lakin Kvaratskheliyanın dördüncü qolu inanılmaz idi; dünyada heç bir qapıçı belə bir zərbəni dayandıra bilməzdi"

Qeyd edək ki, matç parislilərin 5-2 hesablı qələbəsi ilə başa çatıb.