"Bayer"ə uduzmağa layiq idik, amma..."

"Arsenal"ın baş məşqçisi Mikel Arteta Çempionlar Liqasında "Bayer Leverkuzen"lə 1-1 hesablı heç-heçə ilə bağlı fikirlərini bildirib.

90deqiqe.Az xəbər verir ki, çalışdırıcı bu barədə jurnalistlərə açıqlamasında deyib.

"Hər nəticə, hər əzmkarlıq komandanın impulsuna və emosional vəziyyətinə təsir edir. Oyunu heç-heçə ilə başa vurmağımız yaxşıdır, çünki "Bayer"ə uduzmağa layiq idik. Amma mən artıq növbəti matçı gözləyirəm. Vaxt yoxdur - biz işə qayıdırıq"

14 mart şənbə günü "Arsenal" evdə "Everton"la Premyer Liqa matçı keçirəcək. Dörd gün sonra, 18 martda "topçular" Çempionlar Liqasının 1/8 finalının ikinci oyununda "Bayer Leverkuzen"i qəbul edəcəklər.