“İsakdan dərhal möcüzə gözləmək düzgün deyil”

"Liverpul"un baş məşqçisi Arne Slot komandanın hücumçusu Aleksandr İsak haqqında fikirlərini bölüşüb.

90deqiqe.Az xəbər verir ki, jurnalist Fabrisio Romano çalışdırıcının dediklərini belə çatdırıb.

"Unutmayın ki, İsak üç ay yarım meydandan kənar qalıb və üç ay yarım komanda ilə məşq etməyib. Keçən dəfə onun formasını bərpa etməsi üçün bir az vaxt lazım oldu. Onun qayıdışını səbirsizliklə gözləyirəm, amma gözləntilərimizi bir daha çox artırmamalıyıq ki, meydana çıxdıqdan sonra dərhal ona xərclənən pula uyğun səviyyəni təmin etsin"

Xatırladaq ki, "Liverpul" İsakı yay transfer pəncərəsi zamanı klub rekordu olan 145 milyon avroya "Nyukasl"dan alıb. O vaxtdan bəri 26 yaşlı hücumçu 16 oyun keçirib, üç qol vurub və bir məhsuldar ötürmə edib.