Duman Premyer Liqada qol vuran ən gənc futbolçu oldu

“Arsenal” futbolçusu Maks Duman “Everton”la matçda fərqlənərək yeni rekord müəyyən edib.

90deqiqe.Az-ın məlumatına görə, gənc hücumçu Premyer Liqanın tarixində qol vuran ən gənc futbolçu olub – o, 16 yaş və 73 günlük olarkən hesabı açıb.

Vunderkind Maks Duman 30-cu turun şənbə günü keçirilən matçında “Everton”a qarşı 97-ci dəqiqədə debüt qolunu vuraraq görüşün yekun hesabını – 2:0 müəyyən edib. Bu oyun 16 yaşlı futbolçu üçün “Arsenal”ın əsas komandası ilə bütün turnirlər üzrə 7-ci matç olub. Daha əvvəl o, bir məhsuldar ötürmə ilə yadda qalıb.

Mikel Artetanın rəhbərlik etdiyi komanda çempionatda 70 xalla turnir cədvəlinin lideridir.