Bruno Fernandeş yeni rekorda imza atdı

“Mançester Yunayted”in yarımmüdafiəçisi Bruno Fernandeş İngiltərə Premyer Liqasının 30-cu turunda “Aston Villa” ilə keçirilən matçda (3:1) iki məhsuldar ötürmə edib.

90deqiqe.Az-ın məlumatına görə, beləliklə, portuqaliyalı futbolçu bu mövsüm İngiltərə çempionatında artıq 16 assistə imza ataraq klub tarixində bir mövsümdə ən çox məhsuldar ötürmə rekordunu yeniləyib.

“Qırmızı şeytanlar”ın tarixində mövsüm ərzində ən çox assist verən futbolçular siyahısında ikinci yerdə Devid Bekhem (15 assist, 1999/2000 mövsümü), üçüncü yerdə isə Luish Nani (14 assist, 2010/2011 mövsümü) qərarlaşıb.

Hazırda “Mançester Yunayted” 54 xalla turnir cədvəlində üçüncü pillədədir.