Superkompüter "Tottenhem"in Premyer Liqadan düşmə ehtimalını qiymətləndirib

“Tottenhem" “Liverpul" ilə oyunda son dəqiqədə hesabı bərabərləşdirərək məğlubiyyətdən qaçıb – görüş 1:1 bitib. 

90deqiqe.Az xəbər verir ki, superkompüterin hesablamalarına görə, mövcud vəziyyətdə “Tottenhem”in Premyer Liqadan aşağı dəstəyə düşmə ehtimalı 14,9% təşkil edir. Daha çətin vəziyyətdə “Nottingem Forest” (34,05%) və “Vest Hem” (45,26%) qərarlaşıb, “Bernli” (99,66%) və “Vulverhempton” isə möcüzə baş verməsə, xilas ola bilməyəcək.

Qeyd edək ki, 90-cı dəqiqədə Riçarlisonun qolu “Enfild”də “Tottenhem”i xilas edib.

“Tottenhem” 30 xalla Premyer Liqa cədvəlində 16-cı yerdədir və “Nottingem Forest” və “Vest Hem”i bir xal qabaqlayır. Bir qədər yuxarıda isə 32 xalla “Lids qərarlaşıb.