“Keçid dövründəyik, amma bəhanəmiz yoxdur”

“Mançester Siti”nin yarımmüdafiəçisi Bernardo Silva komandasının son illərdəki səviyyə düşüşü ilə bağlı fikirlərini bölüşüb.

90deqiqe.Az xəbər verir ki, portuqaliyalı futbolçu bildirib ki, əsas səbəb keçid dövrüdür:

“Ən açıq cavab keçid dövrüdür. Üçqat çempion olduğumuz mövsümə baxanda, heyətdə yalnız dörd-beş futbolçu qalıb. Hər kəsin öz fikri ola bilər — məşqçinin, mənim, digərlərinin. Amma qısa müddətdə çox sayda yeni oyunçunun gəlməsi komandaya kömək etmir. Gənc oyunçuların uyğunlaşması və bir-biri ilə oynamağa öyrəşməsi vaxt tələb edir. Amma bizim bəhanəmiz yoxdur — daha yaxşı çıxış etməliyik”.

Qeyd edək ki, “Mançester Siti” çərşənbə axşamı UEFA Çempionlar Liqasının növbəti matçında "Real Madrid" komandası ilə üz-üzə gələcək.