“Tottenhem” evdə darmadağın oldu

İngiltərə Premyer Liqasının 31-ci turunda keçirilən “Tottenhem” – “Nottingem Forest” oyunu başa çatıb.

90deqiqe.Az-ın məlumatına görə, “Tottenhem Hotspur” stadionunda keçirilən matçda qonaqlar 3:0 hesabı ilə qələbə qazanıb. Qolları 45-ci dəqiqədə Iqor Xesus, 62-ci dəqiqədə Morqan Gibbs-Vayt və 87-ci dəqiqədə Tayvo Avoniyi vurub.

Bu nəticədən sonra “Tottenhem” 30 xalla turnir cədvəlinin 17-ci pilləsində qərarlaşıb, “Nottingem Forest” isə 32 xalla 16-cı yerdədir.

Növbəti turda “Tottenhem” 12 aprel tarixində səfərdə “Sanderlend”lə qarşılaşacaq, “Nottingem Forest” isə eyni gün evdə “Aston Villa” ilə üz-üzə gələcək.