Kulusevski zədəsi ilə bağlı danışdı

“Tottenhem” klubunun yarımmüdafiəçisi Dejan Kulusevski aldığı zədə ilə bağlı sosial şəbəkə hesabında açıqlama verib.

90deqiqe.Az xəbər verir ki, isveçli futbolçu bildirib ki, iki həftə əvvəl dizindən kiçik tibbi müdaxilə olunub:

“Hazırda bir qədər axsayıram. Dizimlə bağlı lazım olan hər şey edilib. İndi vəziyyətim yaxşıdır. Dəstəyə görə hər kəsə təşəkkür edirəm”.

Zədə səbəbindən skandinaviyalı yarımmüdafiəçi bu mövsüm hələlik heç bir oyunda iştirak etməyib.

Qeyd edək ki, futbolçunun London təmsilçisi ilə qüvvədə olan müqaviləsi 2028-ci ilin yayına qədər nəzərdə tutulub.

“Tottenhem” isə cari mövsümdə uğursuz çıxışı ilə yadda qalıb. Komanda hazırda turnir cədvəlində 17-ci pillədə qərarlaşıb.