"Salahla aramızda heç bir problem yoxdur"

“Liverpul”un sabiq baş məşqçisi Yurgen Klopp misirli hücumçu Məhəmməd Salahla fikir ayrılıqları haqqında danışıb.

90deqiqe.Az-ın "BBC"ə istinadən məlumatına görə, alman çalışdırıcı deyib ki, son günlər futbolçu ilə yazışmalar aparıblar və aralarındakı fikir ayrılıqları həmişə düzgün səbəblərə əsaslanıb:

“Biz son günlər yazışdıq. Fikir ayrılıqlarımız vardı, amma səbəbləri düzgün idi. İndi hər şey qaydasındadır, keçmişə baxanda isə hətta daha da yaxşıdır. Hər ikimiz çox məmnunuq ki, bu inanılmaz yolun bir hissəsi olmuşuq. İndi Salah istədiyi komandaya gedə bilər, klub isə digər oyunçuları tapacaq. Bu, tamamilə normaldır”, — deyə Klopp bildirib.

Xatırladaq ki, mövsümün sonunda Salah “Liverpul”u tərk edəcək. Hazırda klub İngiltərə Premyer Liqasında beşinci pillədə qərarlaşıb.