“Mançester Yunayted”dən ayrılmaqla bağlı qəti qərar vermişəm"

“Mançester Yunayted”in yarımmüdafiəçisi Kazemiro mövsümün sonunda komandanı tərk edəcəyini bir daha təsdiqləyib.

90deqiqe.Az-ın məlumatına görə, braziliyalı futbolçu açıqlamasında klubdakı son günlərini yaşadığını bildirib:

“Mançester Yunayted”də olmaq hələ də mənə böyük zövq verir. Gələcəyimlə bağlı qərarın artıq verildiyini düşünürəm. Həqiqətən inanıram ki, bu, yekun qərardır. Hazırda həyatın dadını çıxarıram. Hesab edirəm ki, “Mançester Yunayted”də keçirəcəyim son oyunlar emosional baxımdan asan olmayacaq”.

Qeyd edək ki, Kazemiro 2022-ci ildə 70 milyon avro qarşılığında “Real”dan “Mançester Yunayted”ə transfer olunub.

Cari mövsümdə yarımmüdafiəçi “qırmızı şeytanlar”ın heyətində 30 oyuna çıxıb, 7 qol vurub və 2 məhsuldar ötürmə ilə yadda qalıb.