"Everton" Moyesin müqaviləsini uzatmaq istəyir

“Everton” klubu baş məşqçi Devid Moyesə yeni əmək müqaviləsi təklif etməyə hazırlaşır.

90deqiqe.Az-ın "The Guardian"a istinadən məlumatına görə, klub rəhbərliyi mövsüm başa çatdıqdan sonra mütəxəssislə danışıqlara başlamağı planlaşdırır. “İrislər” Moyesin fəaliyyətindən razıdır və onun da əməkdaşlığın davam etdirilməsində maraqlı olduğuna şübhə etmir.

Qeyd edək ki, Devid Moyes komandanın sükanı arxasına 2025-ci ilin yanvar ayında keçib. Cari mövsümdə Liverpul təmsilçisi İngiltərə çempionatının 31 turunda 46 xal toplayıb və turnir cədvəlində səkkizinci pillədə qərarlaşıb.

Komanda növbəti oyununu aprelin 11-də səfərdə “Brentford”a qarşı keçirəcək.