Dünyanın ən bahalı müdafiəçisi "Arsenal"da oynayır

"Transfermarkt" portalı yaz yenilənməsindən sonra dünyanın ən bahalı müdafiəçilərinin siyahısını açıqlayıb.

90deqiqe.Az-ın məlumatına görə, siyahıya “Arsenal”ın mərkəz müdafiəçisi Uilyam Saliba başçılıq edir. 25 yaşlı fransalı futbolçu 90 milyon avro dəyərində qiymətləndirilib.

İkinci pilləni iki futbolçu bölüşür. Bunlar “Barselona”nın üzvü Pau Kubarsí və PSJ-nin müdafiəçisi Əşrəf Hakimidir. Hər iki futbolçu 80 milyon avro dəyərində qiymətləndirilir.

Dördüncü yerdə PSJ-nin digər oyunçusu Nuno Mendeş qərarlaşıb. Onun dəyəri 75 milyon avrodur.

Beşinci pillədə eyni qiymətləndirmə ilə “Arsenal”ın braziliyalı müdafiəçisi Qabriel dos Santos yer alıb.

Altıncı və yeddinci yerləri isə PSJ-nin ekvadorlu futbolçusu Uillian Paço və “Arsenal”ın niderlandlı sağ cinah müdafiəçisi Jurrien Timber bölüşür. Hər iki futbolçu 70 milyon avro dəyərində qiymətləndirilib.