Enzo Fernandes “Çelsi”nin oyunlarından kənarlaşdırıldı

“Çelsi”nin yarımmüdafiəçisi Enzo Fernandes komandadan kənarlaşdırılıb. 

90deqiqe.Az-ın məlumatına görə, bu barədə "zadəganlar"ın çalışdırıcısı Liam Rosenyor  jurnalistlərə açıqlamasında deyib.

“Enzo sabahkı matçda və növbəti bazar günü “Mançester Siti” ilə oyunda iştirak etməyəcək. O, bizim klub mədəniyyətimiz və qurmaq istədiyimiz komandaya uyğun olmayan addım atıb”.

Qeyd edək ki,  daha əvvəl argentinalı futbolçu “Real”a keçmək istədiyini və Madriddə yaşamağı arzuladığını ifadə etmişdi.

Əlavə edək ki, aprelin 4-də “Çelsi” İngiltərə Kubokunun 1/4 finalında ev oyununda “Port Veyl”i qəbul edəcək. 25 yaşlı Enzo Fernandeşin transfer dəyəri mütəxəssislər tərəfindən 90 milyon avro qiymətləndirilir.