"Nunes “Çelsi” və ya “Mançester Yunayted”də oynamalıdır"

"Çelsi” və Fransa millisinin sabiq futbolçusu Marsel Desayi hücumçu Darvin Nunesə İngiltərə Premyer Liqasına qayıtmağı tövsiyə edib.

90deqiqe.Az-ın məlumatına görə, o bildirib ki, futbolçu üçün ən uyğun variant “Çelsi” və ya “Mançester Yunayted” kimi klublar ola bilər.

Darvin Nunes 2025-ci ildə 53 milyon avro qarşılığında “Liverpul”dan “Əl-Hilal”a transfer olunub. Onun müqaviləsi 2028-ci il iyunun 30-na qədər nəzərdə tutulub.

Cari mövsümdə portuqaliyalı hücumçu Səudiyyə Ərəbistanı klubunun heyətində 24 oyunda meydana çıxıb, 9 qol vurub və 5 məhsuldar ötürmə edib.

“Transfermarkt” portalının məlumatına görə, Nunesin hazırkı bazar dəyəri 25 milyon avro olaraq qiymətləndirilir.