“Çelsi” son 8 ilin antirekordunu təkrarladı

İngiltərə Premyer Liqasında “Çelsi” evdə “Mançester Siti”yə 0:3 hesabı ilə məğlub olub.

90deqiqe.Az-ın “Opta”ya istinadən məlumatına görə,  bu, 2018-ci ilin fevralından bəri ilk belə haldır ki, “Çelsi” çempionatda ardıcıl iki oyunda üç və ya daha çox top fərqi ilə məğlub olur. London klubu əvvəlki turda “Everton”a da eyni hesabla (0:3) uduzmuşdu.

Bundan əvvəl oxşar vəziyyət Antonio Konte dövründə yaşanmışdı. Həmin vaxt komanda “Bornmut”a 0:3, “Uotford”a isə 1:4 hesabı ilə məğlub olmuşdu.

Liama Rosenyorun rəhbərlik etdiyi kollektiv 32 turdan sonra 48 xalla turnir cədvəlində 6-cı yerdə qərarlaşıb.