“Dünya çempionatına düşmək üçün hər gün çalışıram”

İtaliyanın "Komo" klubunun əsas simalarından olan hücumameyilli yarımmüdafiəçi Niko Paz qarşıdan gələn dünya çempionatı ilə bağlı fikirlərini bölüşüb.

90deqiqe.Az-ın məlumatına görə, argentinalı futbolçu bildirib ki, uşaq vaxtlarından televiziya vasitəsilə dünya çempionatının oyunlarını izləyib və bu turnirdə iştirak etməyi böyük arzu kimi görür.

Niko Paz qeyd edib ki, bu səviyyədə turnirdə oynamaq onun üçün inanılmaz bir hadisə olar və bunun üçün hər gün çalışır.

Qeyd edək ki, 21 yaşlı yarımmüdafiəçi cari mövsümdə bütün turnirlər daxil olmaqla 35 oyunda meydana çıxıb, 12 qol vurub və 7 məhsuldar ötürmə ilə yadda qalıb.

Dünya çempionatı 11 iyun – 19 iyul tarixlərində ABŞ, Meksika və Kanadada keçiriləcək. Argentina millisi qrup mərhələsində Əlcəzair, Avstriya və İordaniya yığmaları ilə qarşılaşacaq.