“Çelsi”yə qarşı oyunlar həmişə çətin keçir"

“Mançester Yunayted”in baş məşqçisi Maykl Karrik İngiltərə Premyer Liqasının növbəti turunda “Çelsi”yə qarşı keçiriləcək oyun barədə fikirlərini bölüşüb.

90deqiqe.Az-ın məlumatına görə, mütəxəssis bildirib ki, qarşıdakı görüş komanda üçün mühüm əhəmiyyət daşıyır:

“Bu, vacib oyundur. Turnir cədvəlində yaxşı mövqedəyik və bunu möhkəm baza kimi istifadə etmək istəyirik. “Çelsi”yə qarşı səfər oyunları hər zaman çətin keçir. Onların stadionunda çox sayda ağır matçlarımız olub. Düşünürəm ki, bizi ciddi qarşılaşma gözləyir. Buna hazır olacağıq. Yaxşı hazırlaşmışıq və artıq qurduğumuz sistemdən inam götürürük”, – deyə Maykl Karrik jurnalistlərə açıqlamasında bildirib.

Qeyd edək ki, hazırda “Mançester Yunayted” İngiltərə çempionatının turnir cədvəlində üçüncü pillədə qərarlaşıb. “Çelsi” ilə oyun 18 aprel tarixində Londonda keçiriləcək.