"İnanıram ki, Premyer Liqada qalacağıq"

“Tottenhem” İngiltərə Premyer Liqasının turnir cədvəlində 18-ci yerdə qərarlaşıb və düşmə zonasına düşüb.

90deqiqe.Az-ın məlumatına görə, London komandasının yeni baş məşqçisi Roberto De Zerbi vəziyyəti dəyişəcəyinə və komandanın elitada qalacağına inandığını bildirib.

“Optimistəm, mübarizəyə hazıram. İnanıram ki, biz Premyer Liqada qalacağıq. Keçən həftə dediklərimə də inanıram. Bizim üçün ən vacibi təkcə turnir cədvəli deyil, matçları qazanmaqdır. Yenidən qalib gəlməyin necə hiss olduğunu hiss etməliyik. Futbolçuların keyfiyyətinə heç bir şübhəm yoxdur”, – deyə Roberto De Zerbi bildirib.

Qeyd edək ki, “Tottenhem” 18 aprel tarixində doğma meydanda “Brayton”a qarşı oynayacaq.