“Derbidə fərqi stadion yox, futbolçular yaradır”

Bazar günü “Liverpul” İngiltərə Premyer Liqasının növbəti turunda səfərdə “Everton”la qarşılaşacaq.

90deqiqe.Az-ın məlumatına görə, “qırmızılar”ın baş məşqçisi Arne Slot Mersisayd derbisi barədə açıqlama verib.O bildirib ki, bu qarşılaşma hər zaman xüsusi əhəmiyyət daşıyır:

“Bu, həmişə çox xüsusi oyundur. Hazırda ‘Everton’ yaxşı formadadır. Derbi hər zaman fərqlidir və yeni stadionda ilk derbi olduğu üçün bu oyuna bir neçə faiz əlavə gərginlik də qatılır. Ötən mövsüm mənə atmosfer yox, hakim qərarları təsir etmişdi. O zaman bu mənim ilk Mersisayd derbim idi. Mən hesab edirəm ki, fərqi stadionlar yox, futbolçular yaradır. Azarkeşlər isə təbii ki, komandanı dəstəkləyə bilərlər”, – deyə Slot mətbuat konfransında bildirib.

Qeyd edək ki, “Liverpul” hazırda Premyer Liqa turnir cədvəlində 5-ci pillədə qərarlaşıb.