Alaba “Real Madrid”dən ayrılır - müqavilə uzadılmayacaq

Avstriyalı müdafiəçi David Alaba böyük ehtimalla cari mövsümün sonunda Madrid “Real”ını tərk edəcək.  

 90deqiqe.Az xəbər verir ki, bu barədə jurnalist Fabrizio Romano “X” sosial şəbəkəsində (keçmiş Twitter) məlumat paylaşıb.

O tərəflərin yaxın yayda başa çatacaq müqavilənin uzadılmaması barədə qərar verəcəklərini qeyd edib. 

Artıq bir neçə klub futbolçu ilə mümkün əməkdaşlıq üçün maraqlıdır.

Alaba 2021-ci ilin yayından etibarən “Real Madrid”də çıxış edir. O,  “Bavariya”dan sərbəst agent kimi Madrid klubuna keçmişdi. Cari mövsümdə 33 yaşlı futbolçu bütün turnirlərdə 13 oyunda meydana çıxıb və məhsuldar göstərici ilə yadda qalmayıb.