“Bütün futbolçuların hazır olmasını istərdim”

“Mançester Siti” klubunun baş məşqçisi Xosep Qvardiola mətbuat konfransında komandanın heyət vəziyyəti barədə açıqlama verib. 

 90deqiqe.Az xəbər verir ki, ispan çalışdırıcı bildirib ki, müdafiəçi Ruben Diyaş hələ də hazır deyil, Nik O’Reylinin isə vəziyyəti qaydasındadır:

“İstərdim ki, bütün futbolçularım ixtiyarımda olsun, amma mövsüm ərzində hər zaman zədələr olur”, – deyə baş məşqçi jurnalistlərə bildirib.

Qeyd edək ki, Ruben Diyaş artıq bir aydır meydana çıxmır. O, sonuncu dəfə 17 mart tarixində “Mançester Siti”nin heyətində oynayıb.

“Mançester Siti” və “Arsenal” arasında oyun 19 aprel tarixində keçiriləcək. Başlanğıc vaxtı Bakı vaxtı ilə 20:30-dur.