“Futboldan zövq almaq üçün “Arsenal”dan ayrıldım”

Avropadakı uzun illərdən sonra "Flamenqo" klubuna transfer olan 34 yaşlı yarımmüdafiəçi Jorjinyo karyerası ilə bağlı açıqlama verib.

90deqiqe.Az xəbər verir ki, İtaliya millisinin sabiq üzvü "Arsenal"dan ayrılma səbəbini belə izah edib:

“Baş məşqçi Mikel Arteta standart vəziyyətlər üzərində çox işləməyi xoşlayırdı. Amma mənim üçün bu, sanki darıxdırıcı ev tapşırığı kimi idi. Mən futboldan zövq alacağım bir mühitə ehtiyac duyurdum. Əlbəttə, bu işlər nəticə verir, amma oyunun özü arxa plana keçir.”

Qeyd edək ki, 2023–2025-ci illərdə "topçular"da çıxış edib. Jorjinyo “Arsenal”da 79 oyunda 2 qol vurub, 3 məhsuldar ötürmə edib. Onun karyerasında "Napoli" və "Çelsi" klubları da yer alır.