“Çelsi” 28 ildən sonra ilk dəfə belə seriya yaşadı

İngiltərə Premyer Liqasının 33-cü turunda “Çelsi” “Mançester Yunayted”ə 0:1 hesabı ilə məğlub olub.

90deqiqe.Az xəbər verir ki, bu nəticə ilə London təmsilçisi İngiltərə çempionatında ardıcıl dördüncü dəfə quru hesabla məğlubiyyət alıb. Bu, klub üçün son 28 ildən də artıq müddətdə ilk belə seriyadır.

Komandanın bu uğursuz seriyası 30-cu turda “Nyukasl Yunayted”ə 0:1 hesablı məğlubiyyətlə başlayıb. Daha sonra “Everton”a 0:3, “Mançester Siti”yə 0:3 və sonda “Mançester Yunayted”ə uduzub.

Növbəti turda “Çelsi” 21 apreldə səfərdə “Brayton”la qarşılaşacaq.

Hazırda London klubu 48 xalla turnir cədvəlində 6-cı pillədə qərarlaşıb.