"Liverpul"un qapıçısı yaşıl meydanlardan nə qədər uzaq qalacaq?

“Liverpul”un ikinci qapıçısı Georgi Mamardaşvili “Everton”a qarşı derbi matçında zədələnib.

90deqiqe.Az "The Athletic"ə istinadən xəbər verir ki,  gürcüstanlı futbolçunun zədəsi ilkin ehtimal olunduğu qədər ciddi deyil. Onun dəqiq bərpa müddəti hələ müəyyənləşməyib, lakin təxminən 2–4 həftə yaşıl meydanlardan kənarda qalacağı gözlənilir.

Komandanın əsas qapıçısı Alisson da zədə səbəbindən hazırda yaşıl meydanlardan uzaqdadır.

Növbəti turda “Liverpul”un “Kristal Pelas”a qarşı oyununda start heyətində Freddi Vudmanın yer alacağı gözlənilir.

Hazırda “Liverpul” İngiltərə Premyer Liqasının turnir cədvəlində 5-ci pillədə qərarlaşıb.