Antoni Qordon üçün bu klublar növbəyə düzüldü

“Nyukasl” rəhbərliyinin hücumçu Antoni Qordonun mümkün gedişinə münasibəti bəlli olub.

90deqiqe.Az-ın “The Athletic”ə istinadən məlumatına görə, 25 yaşlı futbolçu “Arsenal”, “Bavariya” və “Liverpul”un maraq dairəsindədir.

Mənbənin məlumatına görə, mümkün transfer yalnız “sağsağanlar”ın maliyyə tələblərinin tam ödəniləcəyi halda baş tuta bilər. Futbolçunun ayrılması üçün daha əvvəl açıqlanan 80 milyon funt-sterlinq məbləğinin tələb olunacağı ehtimal edilir. Sözügedən klublar da artıq futbolçunun agenti ilə ilkin danışıqlara da başlayıblar.

“Nyukasl" düzgün qiymət təklif olunarsa, satışa açıq görünür”, – deyə məlumatda bildirilir.

Cari mövsümdə 25 yaşlı Qordon 46 oyunda 17 qol vurub və 5 məhsuldar ötürmə edib.