"Mainu çox istedadlı futbolçudur”

"Monako" klubunun yarımmüdafiəçisi Pol Poqba gənc futbolçu Kobi Mainu barədə fikirlərini bölüşüb.

 90deqiqe.Az xəbər verir ki, təcrübəli futbolçu bildirib ki, Mainu böyük potensiala malikdir və onun oyununu izləmək xoş təsir bağışlayır:

“O, çox istedadlı futbolçudur. Hələ gəncdir, amma böyük bacarığa sahibdir. Onun oyununu izləmək zövq verir. Ümid edirəm ki, "Mançester Yunayted"də parlaq karyera quracaq”.

Qeyd edək ki, 21 yaşlı yarımmüdafiəçi cari mövsümdə bütün turnirlərdə 25 oyunda iştirak edib və 3 məhsuldar ötürmə ilə yadda qalıb.

Xatırladaq ki, aprelin 27-də “Mançester Yunayted” Premyer Liqanın 34-cü turunda öz meydanında Brentfordı qəbul edəcək. Qarşılaşma Bakı vaxtı ilə saat 23:00-da start götürəcək.