“Belə davam etsə, 32 yaşa çatmaram”

“Mançester Siti”nin və İspaniya millisinin yarımmüdafiəçisi Rodri mövcud futbol təqvimini kəskin tənqid edib.

90deqiqe.Az xəbər verir ki, o, "DAZN" kanalında yayımlanan “Premier Corner” proqramında çıxışı zamanı fiziki və psixoloji yüklənmədən şikayətlənib.

“Turnir başa çatdıqdan sonra özümü tam tükənmiş hiss edirdim. Bu, mənə fiziki yox, daha çox psixoloji təsir etdi. Qarşıda məni nə gözlədiyini düşünəndə bununla necə mübarizə aparacağımı bilmirdim. Ya dayanmalıyam, ya da 32 yaşa çatmayacağam. Orqanizmin öz həddi var, hər kəsin müəyyən dözümlülük limiti mövcuddur”.

Qeyd edək ki, Rodri 2024-cü ilin sentyabrında sağ dizinin ön çarpaz bağlarını qoparıb. Bu zədə onun 2024/2025 mövsümünün böyük hissəsini buraxmasına səbəb olub.

Həmin il keçirilən "Qızıl top" mükafatlandırma mərasiminə isə futbolçu qoltuqağacı ilə qatılıb.