“Liverpul”dan evdə inamlı qələbə

İngiltərə Premyer Liqasının 34-cü turunda “Liverpul” “Kristal Pelas”ı qəbul edib.

90deqiqe.Az-ın məlumatına görə, "Enfild" stadionuda keçirilən qarşılaşma “mersisaydlılar”ın 3:1 hesablı qələbəsi ilə başa çatıb. Matçı Endryu Medli idarə edib.

Hesab 34-cü dəqiqədə Aleksander İsak tərəfindən açılıb. 40-cı dəqiqədə Endryu Robertson fərqi iki topa çatdırıb.

Qonaqlar 71-ci dəqiqədə Daniel Munyos vasitəsilə cavab qolunu vurublar. Qarşılaşmanın son nöqtəsini isə 90+6-cı dəqiqədə Florian Virts qoyub.

Bu nəticədən sonra “Liverpul” 58 xalla turnir cədvəlində 4-cü pillədə qərarlaşıb. “Kristal Pelas” isə 43 xalla 13-cü sıradadır.

Növbəti turda 3 may tarixində “Liverpul” səfərdə “Mançester Yunayted” ilə qarşılaşacaq, “Kristal Pelas” isə həmin gün “Bornmut”un qonağı olacaq.