“Tottenhem” 15 matçlıq qələbəsiz seriyaya son qoydu

İngiltərə Premyer Liqasının 34-cü turunda “Tottenhem” “Vulverhempton” üzərində minimal hesablı qələbə qazanıb.

90deqiqe.Az-ın məlumatına görə, "Moline" stadionuda keçirilən qarşılaşmada London təmsilçisi 82-ci dəqiqədə vurulan qol sayəsində 1:0 hesablı qələbəyə sevinib.

Bu nəticə “Tottenhem” üçün 2026-cı ildə Premyer Liqada ilk qələbə olub. Klub bundan əvvəl ardıcıl 15 oyundur qələbə qazana bilmirdi ki, bu da son 100 ilə yaxın dövrün ən uzun seriyası kimi qeydə alınıb.

Buna baxmayaraq, komanda hələ də turnir cədvəlinin aşağı pillələrində və düşmə zonasına yaxın mövqedə qalır.

Qeyd edək ki, birbaşa rəqiblərdən “Nottingem Forest” və “Vest Hem” də növbəti turda qələbə qazanaraq vəziyyəti daha da gərginləşdiriblər.