Liverpul İngiltərə kubokunda qaldı

İngiltərə Futbol Liqası "Liverpul"u İngiltərə Liqa kubokundan kənarlaşdırmayıb.

Corner.az-ın qurumun saytına istinadən xəbərinə görə, Premyer liqa təmsilçisi 1/16 finalda "Milton Kins Dons"la matçda reqlamentdə səhvə yol versə də, klubun turnirdə qalmasına qərar verilib. Ancaq "Liverpul" 200 min funt sterlinq məbləğində cərimələnib. İngiltərə təmsilçisinə verilən məbləğin yarısı şərtidir və növbəti mövsüm hansısa qayda pozulacağı təqdirdə, klub onu ödəməli olacaq.

Qeyd edək ki, "Liverpul"un 2:0 hesabı ilə qalib gəldiyi sözügedən görüşdə iştirak hüququ olmayan 22 yaşlı Pedro Çirivelya çıxış edib.