“Çempionluq düşüncəsi bizim üçün gündəlikdir”

“Mançester Siti” “Brentford”a 3:0 hesabı ilə qalib gələrək Premyer Liqada lider “Arsenal”la xal fərqini 2-yə endirib.

90deqiqe.Az  xəbər verir ki, oyundan sonra “şəhərlilər”in hücumçusu Erlinq Haland çempionluq mübarizəsi barədə fikirlərini bölüşüb.

“Çempionluq şansı? Əgər sən “Mançester Siti”də oynayırsansa, hər gün çempionluq haqqında düşünürsən. “Kristal Pelas”la oyun? Mən digər matçlar haqqında düşünmürəm. Hazırda sadəcə yorğunam. Biz oyunlara belə hazırlaşırıq: iki gün ərzində yalnız bərpa haqqında düşünürük, sonra isə növbəti matçı qazanmağa çalışırıq. Və bu, belə davam edir”, – deyə Haland “Sky Sports”a açıqlamasında bildirib.

Qeyd edək ki, “Mançester Siti” 13 may çərşənbə günü “Kristal Pelas”ı qəbul edəcək.