“Arsenal”dan çətin qələbə

İngiltərə Premyer Liqasının 2025/2026 mövsümünün 36-cı turunda “Vest Hem Yunayted” öz meydanında “Arsenal”ı qəbul edib.

90deqiqe.Az xəbər verir ki, London stadionunda keçirilən qarşılaşma “topçular”ın minimal hesablı qələbəsi ilə yekunlaşıb – 0:1.

Matçın 28-ci dəqiqəsində qonaq komanda məcburi dəyişiklik edib. Zədə alan Ben Uaytın yerinə Martin Subimendi meydana daxil olub.

Görüşün taleyini həll edən yeganə qol 83-cü dəqiqədə vurulub. Leandro Trossard “Arsenal”a qələbə qazandıran qola imza atıb.

90+5-ci dəqiqədə “Vest Hem” Kalum Uilsonun qolu ilə hesabı bərabərləşdirsə də, video köməkçi hakim sistemi epizoda müdaxilə edərək qolu qeyri-qanuni sayıb və ləğv edib.

Bu nəticədən sonra “Vest Hem” 36 xalla turnir cədvəlinin 18-ci pilləsində qərarlaşıb. “Arsenal” isə 79 xalla liderliyini davam etdirir.

Növbəti turda “Vest Hem” 17 mayda səfərdə “Nyukasl Yunayted”lə qarşılaşacaq, “Arsenal” isə 18 mayda öz meydanında “Bernli”ni qəbul edəcək.