“Vulverhempton” evdə “Fulhem”lə bacarmadı

İngiltərə Premyer Liqasının 37-ci turunda “Vulverhempton” öz meydanında “Fulhem”i qəbul edib.

90deqiqe.Az xəbər verir ki, görüş 1:1 hesablı heç-heçə ilə başa çatıb və komandalar xalları bölüşüblər.

Meydan sahibləri hesabı ilk açan tərəf olub. 25-ci dəqiqədə Hvan Hi Çanın ötürməsindən sonra Mateus Mané fərqlənib.

Fasiləyə qədər “Fulhem” hesabı bərabərləşdirib. Qonaqlar penalti zərbəsi qazanıb və Antoni Robinson dəqiq yerinə yetirib.

İkinci hissədə qapılara başqa qol vurulmayıb.

Bu nəticədən sonra “Vulverhempton” 19 xalla turnir cədvəlində sonuncu — 20-ci pillədə qərarlaşıb. “Fulhem” isə 49 xalla 12-ci yerdədir.