Xabi Alonso rəsmən “Çelsi”də

“Çelsi” klubu Xabi Alonsonun komandanın yeni baş məşqçisi təyin olunduğunu açıqlayıb.

90deqiqe.Az klubun rəsmi saytına istinadən xəbər verir ki, ispan mütəxəssis 1 iyuldan etibarən vəzifəsinin icrasına başlayacaq. Onunla 4 illik müqavilə imzalanıb.

 44 yaşlı mütəxəssis “menecer” səlahiyyətləri ilə çalışacaq ki, bu da adi baş məşqçi vəzifəsindən daha geniş idarəetmə imkanları deməkdir.

Klubun bəyanatında bildirilir:

“Onun təyinatı klubun geniş təcrübəsinə, məşqçilik bacarığına, oyun fəlsəfəsinə, liderlik keyfiyyətlərinə, xarakterinə və peşəkarlığına olan inamı əks etdirir. Bu amillər ‘Çelsi’nin inkişafının növbəti mərhələsinə rəhbərlik üçün əsas rol oynayıb.”

Alonsonun son iş yeri Madridin “Real” klubu olub. O, bu komandaya 2025-ci ilin yayından 2026-cı ilin yanvarına qədər rəhbərlik edib.