Qvardiolanı Marseska əvəz edə bilər

İtaliyalı mütəxəssis Enso Marseskanın Xosep Qvardiolanı əvəz edərək “Mançester Siti”nin baş məşqçisi təyin olunmasına hazırlaşdığı bildirilir.

 90deqiqe.Az xəbər verir ki, bu barədə “Goal.com” məlumat yayıb. Bildirilib ki, bu keçid baş tutacağı təqdirdə Londonun “Çelsi” klubu kompensasiya ödənişi alacaq. Lakin məbləğ açıqlanmayıb.

Məlumata görə, “Çelsi” tərəflə razılıq əldə olunmazsa, hüquqi addımların atılması variantını da nəzərdən keçirir. Marseska və “Mançester Siti”yə yaxın mənbələr isə mütəxəssisin istənilən halda yeni klubda işə başlaya biləcəyini iddia edir.

Qeyd olunur ki, Marseskanın “Çelsi” ilə müqaviləsi hələ də qüvvədə qalır və bu səbəbdən onun klubdan ayrılması müəyyən maliyyə öhdəlikləri ilə müşayiət oluna bilər.