“Vest Hem” düşərsə, böyük satış dalğası başlayacaq

“Vest Hem” klubu mövsümün sonunda İngiltərə Premyer Liqasından düşəcəyi təqdirdə futbolçularını təxminən 100 milyon funt sterlinq (115 milyon avro) dəyərində satmalı olacaq.

 90deqiqe.Az xəbər verir ki, bu barədə “The Guardian” nəşri məlumat yayıb. Bildirilib ki, bu addım klubun maliyyə sabitliyini qorumaq və maliyyə qaydalarını pozmamaq üçün zəruri olacaq.

Qeyd edək ki, hazırda “Vest Hem” turnir cədvəlində 18-ci yerdə qərarlaşıb və 17-ci pillədəki “Tottenhem”dən iki xal geri qalır. London klubunun mövsümdə bir oyunu qalıb, “Tottenhem”in isə iki matçı var.

Əgər “Tottenhem” çərşənbə axşamı “Çelsi”ni məğlub edərsə, “Vest Hem”in elitada qalmaq şansını erkən itirməsinə səbəb olacaq.