“Arsenal” 22 illik fasilədən sonra İngiltərə çempionu olub

İngiltərə Premyer Liqasının 2025/2026 mövsümündə çempion müəyyənləşib.

90deqiqe.Az xəbər verir ki, “Arsenal” 37-ci turda “Mançester Siti”nin “Bornmut”la 1:1 hesablı heç-heçəsindən sonra rəsmən İngiltərə çempionu olub.

London təmsilçisi son turdan bir oyun əvvəl 82 xalla turnir cədvəlinə başçılıq edir. “Mançester Siti” isə 78 xalla ikinci pillədə qərarlaşıb və çempionluq şanslarını riyazi olaraq itirib.

Mikel Artetanın rəhbərlik etdiyi “Arsenal” cari mövsümdə 37 oyunda 25 qələbə qazanıb, 7 dəfə heç-heçə edib, 5 dəfə isə məğlub olub. Komanda mövsümün son, 38-ci turunda “Kristal Pelas”la qarşılaşacaq. Görüş 24 mayda Londonda, “Selherst Park” stadionunda keçiriləcək.

Qeyd edək ki, “Arsenal” sonuncu dəfə 2003/2004 mövsümündə İngiltərə çempionu olmuşdu.