Silva “Siti”dən ayrılma səbəbini açıqladı

Portuqaliyalı yarımmüdafiəçi Bernardu Silva mövsümün sonunda “Mançester Siti”dən ayrılma qərarını şərh edib.

90deqiqe.Az xəbər verir ki, futbolçu bu barədə klubun rəsmi saytına açıqlamasında deyib.

“Düşünürəm ki, bizim nəsil artıq kifayət qədər uğur qazanıb. Eyni zamanda hesab edirəm ki, gənc futbolçular üçün öz parlaq anlarını yaşamaq vaxtıdır. Şəxsi olaraq isə ailəmə bir az daha yaxın olmaq imkanıdır”

Xatırladaq ki, Silva “Siti”də 9 mövsüm çıxış edib. O, “şəhərlilər”ə “Monako”dan transfer olunub. Hücumameyilli yarımmüdafiəçi 31 yaşındadır və “Benfika” akademiyasının yetirməsidir.

Silvanın klubdakı son mövsümündə “Mançester Siti” İngiltərə Kubokunu və Liqa Kubokunu qazanıb. O, ümumilikdə klubla 6 dəfə İngiltərə çempionu olub və UEFA Çempionlar Liqasının qalibi adını qazanıb.