"Mançester Siti"də Qvardiola dönəmi başa çatır

İngiltərənin "Mançester Siti" komandasının baş məşqçisi Xosep Qvardiola cari mövsümün sonunda klubdan ayrılacaq.

90deqiqe.Az-ın məlumatına görə, bu barədə Mançester təmsilçisinin rəsmi saytı məlumat yayıb. İspaniyalı mütəxəssislə başa çatan müqavilənin müddəti uzadılmayacaq.

Qeyd edək ki, 2016-cı ilin iyul ayında "Mançester Siti"nin sükanı arxasına keçən Xosep Qvardiola 10 il müddətində komandaya 20 kubok qazandırıb. O, baş məşqçi vəzifəsindən ayrılmasına baxmayaraq, "City Football Group"da qlobal səfir kimi işləməyə davam edəcək. Bu vəzifədə şirkətə daxil olan klublara texniki məsləhətlər verəcək, konkret layihələr və tərəfdaşlıqlar üzərində işləyəcək.