“Arsenal” mövsümü qələbə ilə başa vurdu

İngiltərə Premyer Liqasının son — 38-ci turunda çempion “Arsenal” səfərdə “Kristal Pelas”la qarşılaşıb.

90deqiqe.Az xəbər verir ki,  görüşdə London təmsilçisi 2:1 hesablı qələbə qazanıb.

Mikel Artetanın rəhbərlik etdiyi komanda artıq çempionluğu rəsmiləşdirdiyindən, oyuna daha rahat çıxıb.

42-ci dəqiqədə “Arsenal” hesabı açıb. Qabriel Martinellinin ötürməsindən sonra Qabriel Jesus fərqlənib.

Fasilədən dərhal sonra Noni Madueke Kays Haverçin ötürməsindən sonra ikinci qolu vurub.

Ev sahibləri isə sona qədər mübarizə apararaq Jan-Filipp Matetanın qolu ilə fərqi azaldıblar.

Qeyd edək ki, “Arsenal” mövsümü 85 xalla çempion kimi başa vurub. “Kristal Pelas” isə 45 xalla 15-ci yerdə qərarlaşıb.