“Fulhem” mövsümü ev qələbəsi ilə başa vurdu

İngiltərə Premyer Liqasının 38-ci turunda “Fulhem” öz meydanında “Nyukasl”ı qəbul edib və 2:0 hesablı qələbə qazanıb.

90deqiqe.Az xəbər verir ki, ev sahibləri oyuna daha yaxşı başlayıb və 20-ci dəqiqədə rəqib qapısında hesabı açıblar. Bu qolda İssa Diop fərqlənib.

Fasiləyədək başqa qol olmayıb. “Fulhem” daha sonra üstünlüyünü qoruyaraq oyunun gedişini nəzarətdə saxlayıb.

80-ci dəqiqədə London təmsilçisi fərqi artırıb. Qarşılaşmada son nöqtəni Tom Kearni qoyub, ona isə Harri Uilson assist edib.

“Fulhem” mövsümü 52 xalla 11-ci pillədə tamamlayıb. “Nyukasl” isə 49 xalla 12-ci yerdə qərarlaşıb.