“Liverpul” mövsümü evdə bərabərliklə başa vurdu

İngiltərə Premyer Liqasının 38-ci turunda “Liverpul” “Brentford”u qəbul edib.

90deqiqe.Az xəbər verir ki, qarşılaşma “Enfild” stadionunda keçirilib və 1:1 hesablı bərabərliklə başa çatıb. Matçın baş hakimi Darren İnqlend olub.

58-ci dəqiqədə Kertis Cons “Liverpul”u önə çıxarıb. Lakin 64-cü dəqiqədə Kevin Şade hesabı bərabərləşdirib.

38 turun nəticələrinə əsasən “Liverpul” 60 xalla turnir cədvəlində 5-ci yeri tutub. “Brentford” isə 53 xalla 9-cu pillədə qərarlaşıb.

Qeyd edək ki, əvvəlki turda mersisaydlılar “Aston Villa”ya 2:4 hesabı ilə məğlub olmuş, “Brentford” isə “Kristal Pelas”la heç-heçə etmişdi.