“Sanderlend” “Çelsi”ni məğlub etdi - London klubu avrokuboklardan kənarda qaldı

İngiltərə Premyer Liqasının son turunda “Çelsi” səfərdə “Sanderlend”lə qarşılaşıb.

90deqiqe.Az xəbər verir ki, hər iki komanda avrokuboklara vəsiqə uğrunda mübarizə apardığından oyuna ciddi motivasiya ilə çıxıb.

Ev sahibləri görüşdə 2:1 hesablı qələbə qazanıblar. “Qara pişiklər” iki qol vurduqdan sonra “Çelsi”dən Palmer fərqlənib. Daha sonra London təmsilçisi azlıqda qalıb.

“Çelsi” mövsümü 10-cu pillədə başa vuraraq avrokuboklardan kənarda qalıb. Bu nəticə komandanın növbəti mövsümdə beynəlxalq turnirlərdə iştirak etməyəcəyi deməkdir.

Qeyd edək ki, yayda komandanı Xabi Alonso qəbul edəcək. Digər tərəfdən, “Sanderlend” mövsümü 7-ci yerdə tamamlayaraq UEFA Avropa Liqasına vəsiqə qazanıb.