“Vest Hem” 14 ildən sonra ilk dəfə Premyer Liqanı tərk etdi

İngiltərə Premyer Liqasının 38-ci turunun nəticələrinə əsasən “Vest Hem” rəsmi olaraq Çempionşipə düşüb.

90deqiqe.Az xəbər verir ki, beləliklə, “çəkicdöyənlər” 14 illik fasiləsiz elitada çıxışa son qoyublar.

London klubu 2012/2013 mövsümündə Premyer Liqaya yüksəlmiş və o vaxtdan bə90ri İngiltərə futbolunun ən yüksək divizionunda mübarizə aparmışdı. Bu müddət ərzində komanda avrokuboklarda da iştirak edib və 2023-cü ildə UEFA Konfrans Liqasının qalibi olub.

Qeyd edək ki, 24 may tarixində “Vest Hem” öz meydanında “Lids”i 3:0 hesabı ilə məğlub etsə də, bu nəticə kifayət etməyib. Eyni zamanda “Tottenhem”in “Everton” üzərində qələbəsi “Vest Hem”in taleyini həll edib.

Nəticədə “çəkicdöyənlər” 18-ci yerdə qərarlaşıb, “Tottenhem” isə 17-ci pillədə Premyer Liqada yerini qoruyub.