“Sanderlend” 53 ildən sonra avrokuboklara qayıtdı

“Sanderlend” öz meydanında “Çelsi”ni 2:1 hesabı ilə məğlub edərək İngiltərə Premyer Liqasını 7-ci pillədə başa vurub və UEFA Avropa Liqasına vəsiqə qazanıb.

90deqiqe.Az-ın məlumatına görə, beləliklə, “qara pişiklər” gələn mövsüm Avropa arenasında çıxış edəcək. Qeyd edək ki, klub avrokuboklarda sonuncu dəfə 1973/74 mövsümündə, İngiltərə Kubokundakı tarixi qələbə sayəsində iştirak etmişdi. Bununla da İngiltərənin şimal təmsilçisi 53 illik fasilədən sonra yenidən Avropa səhnəsinə qayıdır.

Xatırladaq ki, bu, komandanın Çempionşipdən elitaya yüksəldikdən sonra keçirdiyi ilk mövsüm idi. “Sanderlend”in baş məşqçisi Rjejis Le Bridır.