“Bəzən bu iş üçün doğru insan olub-olmadığım barədə şübhələrim olurdu”

İngiltərə Premyer Liqasının son mövsümünü “Arsenal” çempion kimi başa vurub. Komanda uzun fasilədən sonra İngiltərə çempionluğunu qazanıb.

90deqiqe.Az xəbər verir ki, "Sky Sports" London klubunun baş məşqçisi Mikel Arteta dediklərini belə çatdırıb.

 “Bəzən bu iş üçün doğru insan olub-olmadığım barədə şübhələrim və fikirlərim olurdu. Allaha şükür ki, hər şey yaxşı alındı.”

Arteta həmçinin böyük sevinc və eyni zamanda rahatlıq hissi keçirdiyini deyib:

“Mən çox böyük sevinc və eyni zamanda böyük rahatlıq hiss edirəm. Mən çox şeyə nəzarət edə bilirəm, lakin səndən asılı olmayan məsələlər də var. Belə məqamlarda yanında ən yaxşı insanların olması vacibdir. Bəzən şübhələr yarananda onlar deyirdilər: ‘Bunu edəcəyik və səninlə birlikdə edəcəyik’.”

Baş məşqçi klub rəhbərliyini də yüksək qiymətləndirib:

“Bizim möhtəşəm rəhbərliyimiz var. Çətin dövrlərdən keçdik. İnsanları həqiqətən belə vaxtlarda tanıyırsan. Onların inanılmaz dəyərləri var. Onlar idmanı bizdən daha yaxşı anlayırlar və tamamilə bu layihəyə sadiqdirlər.”

Arteta uğura aparan yolda rol oynamış şəxslərə də təşəkkür edib:

“Məni bura gətirən çox insan var. Edu və Tim Lyuis də baş verənlərdə böyük rol oynadılar.”

Qeyd edək ki, “Arsenal” turnir cədvəlini 7 xal fərqlə “Mançester Siti”ni qabaqlayaraq birinci pillədə tamamlayıb.