Estevao Premyer Liqanın növbəti mövsümünün startını buraxacaq

“Çelsi”nin hücumçusu Estevao ciddi zədədən sonra bərpa prosesini davam etdirir və bu səbəbdən dünya çempionatını buraxacaq.

90deqiqe.Az xəbər verir ki, bu barədə “Sport Witness” məlumat yayıb.

Braziliyalı futbolçunun reabilitasiyasının yaxşı irəlilədiyi bildirilir. Onun ümumi qrupda məşqlərə qayıdışının avqustun əvvəlində baş tutacağı gözlənilir.

Ehtimala görə, hücumçu “Çelsi”nin mövsümöncəsi hazırlığını və ola bilsin ki, 2026/27 Premyer Liqa mövsümünün ilk oyunlarını da buraxacaq.

Qeyd edək ki, Estevao apreldə “Mançester Yunayted”lə İngiltərə çempionatı matçında dördüncü dərəcəli arxa bud əzələsi yırtığı zədəsi alıb.

2025/26 mövsümündə braziliyalı futbolçu London klubunun heyətində bütün turnirlərdə 36 oyuna çıxıb, 8 qol vurub və 4 məhsuldar ötürmə verib.